Системите за следење на нуклеарниот материјал во капацитетите за складирање радиоактивен отпад во нуклеарната централа во Чернобил, која беше заземена од руските сили минатиот месец, престанаа да испраќаат податоци до Меѓународната агенција за атомска енергија (МААЕ), соопштија ОН.
Директорот Рафаел Гроси соопшти дека е изгубен далечинскиот пренос на податоци од безбедносниот систем во Чернобил и воедно изрази загриженост за вработените кои работат додека руските војници ја контролираат областа.
МААЕ, меѓу другото, ја следи безбедноста на нуклеарниот материјал.
Нападот на Русија врз Украина, што почна на 24 февруари, предизвика гнев во меѓународната заедница, а Европската Унија, Велика Британија, Канада, Јапонија и САД воведоа економски санкции кон Москва.
Според Агенцијата на ОН за бегалци (УНХЦР), околу два милиона луѓе ја напуштиле Украина во соседните земји.
