Славната пејачка Мадона ја прекина врската со 35 години помладиот дечко Ахламалик Вилијамс, пишува Mirror.
Според весникот, на Мадона ѝ било напорно да ја одржува врската поради работните обврски.
„Има презафатен распоред, работи на новиот автобиографски филм, на музиката и се грижи за семејството. Се случија многу работи. Меѓу нив двајца сè уште постои љубов, но сепак одлучија да ја прекинат врската и да останат во добри односи“, вели извор близок до пејачката.
Мадона претходно на Instagram објави порака со која алудира на раскинување.
„Кога некој не е вистинскиот за тебе, Бог ќе направи таа личност да те повредува сè додека не станеш доволно силен за да ја пуштиш“, напиша таа.
Пејачката се запозна со 28-годишниот Ахламалин во 2015 година, додека беше на турнеја. Врската ја започнаа четири години подоцна.
