Сирените на амбулатните возила биле лоши за бизнисот во Неапол, ги плашеле дилерите на дрога кои на секоја сирена мислеле дека е полиција.
Мафијата во италијански Неапол е во војна со Брзата помош. Мафијаши почнале да ги напаѓаат вработените во Брзата помош кои се возеле со вклучена сирена бидејќа таквата бучава е слична со полициската сирена и негативно се одразувала врз „бизнисот“ во градот.
Двајца криминалци пресретнале во заседа возач на Брза помош и му се заканиле дека ќе го убијат поради вклучената сирена. Го удирале возилото, а физички го буткале екипажот. Настанот се случил во саботата во Шпанскиот кварт на Неапол.
„Ти уште не научи дека овде не смее да се пушта сирената? Исклучи ја или ќе те пукам“, е заканата која мафијаш возејќи се на мотор ја упатил кон возач на Брза помош.
Бучавата од сирените, како и ротирачките светла, му пречеле на „бизнисот“ бидејќи дилерите на дрога, кои работат за мафијата, често помислувале дека се работи за полиција.
Сега Брзата помош во Неапол често мора да оди со полициска поддршка за не дојде до некој немил настан.
„Веќе ни е наредено да не ги употребуваме сирените и во други маала, како Санита и Трајано. Таму и локалните амбуланти пуштаат сирена само кога ќе излезат од границите на тие маала“, вели Мануел Руџиеро, 42-годишен доктор во Брзата помош.
Според информациите кои доаѓаат од Неапол, во изминатите три години имало околу 300 такви инциденти. Трпението на мафијашите дошло при крај и со пандемијата поради која имаше и зголемена фреквенција на Брза помош низ градот. Неапол располага со 17 тимови во амбулатни возила и сите пријавиле слични инциденти.
