Мафини со ванила

Подгответе брзи и лесни мафини со ванила.

Потребни состојки:

2 јајца

7 лажици шеќер

1 кесичка ванилин шеќер

4 лажици гриз

5 лажици брашно

1 кесичка пудинг од ванила

9 лажици млеко

6 лажици масло за јадење

1 прашок за пециво

За прелив:

100 грама шеќер

200 мл вода

Подготовка:

Веднаш ја вклучуваме рерната да се загрее на 220 степени. Јајцата шеќерот и ванилата заедно ги матиме со миксер. Гризот, брашното, пудингот од ванила, млекото, маслото за јадење и прашокот за печење ги мешаме со лажица.

Потоа  ги соединуваме со другата смеса. Смесата потоа ја ставаме во калапи за печење.

Печиме околу 15 минути, шеќерот и водата ги ставаме во тенџере на оган да се растопат. Откако ќе биде готов шербетот ги поливаме изладените мафини.

Изладените мафини ги ставаме во хартиени корпички и ги декорираме со шлаг пена .