Фудбалерот на Баерн Минхен, Роберт Левандовски беше стрелец на четири гола синоќа на дуелот со Црвена звезда во Лигата на шампиони (0:6).
Полјакот „покерот“ го оствари за 15 минути (од 53. до 68. минута) и со тоа го сруши рекордот на Луис Адријано кој пред пет години како играч на Шахтар на Бате (7:0) му даде четири гола за 16 минути.
Трет на оваа листа е Кристијано Роналдо кој запиша „покер“ за 20 минути на средбата со Малме пред четири години кога Реал Мадрид победи со 8:0.
Откако покажа дека на 31 година е во врвна форма, Левандовски направи селфи со топката со која ги постигна головите и која ќе заврши во неговата обемна лична колекција.
