Со натпреварите одиграни ноќеска заврши плеј-ин турнирот, а ги добивме последните два учесника во плеј-офот во НБА лигата.
За последните места на Истокот и Западот се бореа Мајами Хит и Чикаго Булс, односно Њу Орлеанс Пеликанс и Сакраменто Кингс.
И покрај повредата на најдобриот играч Џими Батлер, Мајами го победи Чикаго со 112:91.
Тајлер Хироу за една асистенција не оствари трипл-дабл предводејќи го Мајами до победата со 24 поени, 10 скока и 9 асистенции, додека Никола Вучевиќ имаше дабл-дабл од 16 поени и 14 скока на последниот натпревар на Чикаго оваа сезона.
Њу Орлеанс го победи Сакраменто со 105:98 со 19 поени и 12 скока на Јонас Валанчиунас, додека на другата страна Домантас Сабонис забележа 23 поени, 14 скока и 7 асистенции.
