Фиби Канисто и нејзините шест прекрасни синови имаат уште попрекрасна мисија. Сите решиле да ги растат косите и да ги донираат на млади пациенти кои останале без коса поради болест.
Андре (10), близнаците Силас и Емерсон (8) и тројката Херби, Рид и Декстер (5) ги растеа косите заедно со мајка им. Нивната двегодишна сестра Мара Тејлор не можела да им се придружи во подвигот бидејќи е малечка и косата ѝ е кратка.
Неделава браќата заедно со мајка им го одржаа ветувањето и отидоа во локалниот фризерски салон каде вработените им ги потстрижаа косите. Вработените не сакале да им наплатат за услугата иако работеле прекувремено за да ги средат шесте момчиња и мајката.
Семејството собра 5,18 метри коса и ја донираше на организацијата Children with Hair Loss што обезбедува природна замена за коса за деца што останале без коса од здравствени причини.
Стрижењето на косата не беше најтешкиот дел за момчињата кои ги растеа косите од една до пет години. Некои од нив биле задевани и малтретирани на училиште бидејќи ги растеле косите.
За среќа, младите храбри момчиња развиле отпорност и способност да ги игнорираат критиките и мислеле само на крајната цел, а тоа е да им помогнат на децата.
Канисто вели дека се гордее со синовите.
„Ги обожавам бидејќи сакаат да им помогнат на другите деца. Веќе пресметуваат колку време ќе им треба да ја пораснат косата за пак да донираат“, вели гордата мајка.
