Во Сибир е родено бебе кое е зачнато по природен пат, но се развивало надвор од матката.
Бебето го добило името Вероника, име кое значи „таа која носи победа“, што и дефинитивно го заслужува.
31-годишната мајка која сакала да остане анонимна, како бегалец од покраината Донбас во Украина, завршила во Сибир и во текот на својата бременост не посетила доктор.
Сепак, нејзиното бебе успеало да ја преживее абдоминалната бременост, во водниот меур надвор од матката.
Покрај малата Вероника, досега се забележани само 12 такви случаи во светот.
Мајката и таткото на Вероника се одлучила да го почекаат раѓањето дома. Во почетокот се било како што треба, жената чувствувала се појаки и почести контракции, се подготвувала за пород, а потоа контракциите одеднаш прекинале.
Парот тогаш одлучил да побара помош од докторите, па трудницата била оперирана од тим од дури 10 доктори.
Операцијата била многу сложена и ризична, но за среќа и бебето и мајката преживеале.
