На 6 и 7 февруари (недела и понеделник), со почеток од 21 часот, во МКЦ (сала Фросина) ќе се одржат две изведби на театарската претстава „Мајсторот за спомени“.
„Мајсторот за спомени“ е театарска претстава по текст и режија на Јане Спасиќ, во продукција на независното здружение Артопија.
Приказната е за успешен психотерапевт, со специфични методи на терапија, кои се состојат од менување на сеќавањата на своите пациенти, полека ги губи своите спомени. Преку неговата борба да ги зачува своите спомени, претставата ги истражува сеќавањата и нивната поврзаност со театарот и животот.
Во претставата играат: Ненад Митевски, Елена Кузманов, Мартин Јорданоски, Бојан Кирковски, Симона Спировска и Анастасија Аневска.
Сценограф е Мартин Манев, костимограф Бранкица Јордановска, дизајнер на светло Владимир Димоски, композитор Дарија Андовска, дизајнер Матеја Николиќ, а продуцент Филип Николовски.
Билетите по цена од 300 денари се достапни на билетарницата во МКЦ и онлајн преку bileti.mkc.mk.
Претставата е финансиски поддржана од Министерство за култура.