Цирих, 19 декември 2019 (МИА) – Македонската фудбалска репрезентација го задржа 68. место на декемвриската ФИФА ранг-листа објавена денеска. Ова е ист пласман за „црвено-жолтите“ како и во ноемвриското рангирање.
Следниот противник на македонските фудбалери во полуфиналето од плејофот од Лигата на нации, репрезентацијата на Косово исто како и во ноември се најде на 115. место.
На врвот и натаму е Белгија пред Франција и Бразил.
Во Топ 10 се и репрезентациите на Англија, Уругвај, Хрватска, Португалија, Шпанија, Аргентина и на Колумбија.