„Макканабис“ апелира до Владата да се дозволи извоз на цвет од канабис

Скопје, 11 септември 2019 (МИА) – Да се дозволи извоз на цвет од канабис, да не се бара банкарската гаранција од милион евра, одгледувачите да не се обврзуваат да уплатат 10 отсто од годишната добивка на посебна сметка, фирмата да нема обврска да вработи минимум 15 лица, да се изготви посебен закон за канабис, се дел од забелешките на здружението „Макканабис“ во однос на Предлог - Законот за контрола на опојни дроги и психотропни супстанции.

– Ние не можеме да извезуваме цвет од канабис. Медицинскиот канабис, ако е еколошки третиран, чини од три до четири илјади евра килограм сув цвет. На пример, со седум тони, може да се заработи околу 30 милиони евра, а може и повеќе, вели сопственикот на фирмата „Оаза алкалоиди“, Славе Ивановски, кој додава дека ако се екстрахираат седум или осум тони сув цвет, ќе се добие уште 30 отсто добивка.

Тој потенцира дека од извозот на цвет од канабис државата би имала огромна добивка.

Од здружението ја поздравуваат мерката за овозможување на извоз на цвет, не како досега само масло/екстракт. Но, проблемот со неможноста за регистрација на производ во МАЛМЕД останува.

- Не можеме да направиме никаков извоз во земјите од ЕУ поради немање на euGMP сертификат. А за да го добиеме потребна ни е регистрација на производот во МАЛМЕД. Значи не станува збор за краен производ – шишенце од 10мл, туку големи извозни пакувања од 1 литар кој аптеките во ЕУ понатаму ќе го продаваат како генерички лек. Без Владата да даде прецизни насоки на МАЛМЕД и на Царинската управа, пак ќе остане само напишано на хартија дека може извоз, а дефакто „не“, вели претседателот на здружението Костадин Дуковски.

Смета дека воопшто не е потребна банкарска гаранција, затоа што како приватни субјекти кои инвестираат, продуктот не се продава на Владата ниту пак таа овозможува било какво субвенционирање.

- Врз основа на какви показатели Владата смета дека е потребна банкарска гаранција од милион евра. Владата не распишува тендер за набавка на производ, а со тоа банкарската гаранција да може да се активира доколку не се испорача од операторот. Доколку некогаш распише тендер за набавка на производ, нормално тогаш ќе се бара банкарска гаранција, вели Дуковски.

Од „Макканабис“ се против фирмите кои одгледуваат канабис  да даваат 10 отсто од годишната добивка.

- Ваква давачка не постои никаде во свет. Таа постои за канабисот во рекреативни цели, но не и за оној наменет за медицина – лек. Доколку се дозволи вакво нешто, тогаш бараме веднаш истата мерка да се воведе и на производителите на лекови – Алкалоид, Реплек и слични. Истава мерка да се пропише во законот за лекови и медицински помагала. Само така ќе се изедначат сите производители на лекови, кажа Дуковски.

Од здружението го поздравуваат формирање на нова агенција за канабис.

- Доколку се преработи измената на законот и ние како производители директно комуницираме само со таа нова агенција, наместо со како до сега со ВЛАДА, МЗ, МАЛМЕД, МЗШВ, ние производителите таа агенција ќе ја поддржиме и доколку е потребно ќе ја спонзорираме со опрема/мебел и слично, вели претседателот на „Макканабис“.

Од здружението апелираат да се мотивираат аптеките да набават од производителите и сами да го прават мешањето на концетрациите, како што е и во земјите од ЕУ. Со сегашниот принцип на работа само се поддржува монопол – а цената ја плаќаат пациентите повеќекратно од потребното. На пример: Пациент со карцином плаќа 12.000 денари, за да му се намалат мачнините и повраќањето по примена хемо-радио терапија за 10 дена, а истата терапија не би чинела повеќе од 2.500 денари.

„Маккабанис“ го поздравува овозможувањето на одгледување на индустриски коноп како земјоделска гранка. Задружението бара и посебен Закон за канабис.

реклама

Порнографски видеа и фотографии со девојки и жени од Гевгелија препраќани на социјалните мрежи

Read more

Во забавена снимка: Како делуваат различните маски за заштита од COVID-19?

Read more

Како би ја опишале Македонска Пошта во една фотографија?

Read more

Грците се плашат од увезени случаи на COVID-19 од кратки посети во С. Македонија

Read more

Бизнис

Forbes: Богатството на Џеф Безос надмина 180 милијарди долари

Read more

COVID-19: Што ќе се случи со светската економија?

Read more

Цените на нафтата паднаа под 43 долари, расте загриженоста поради ширењето на заразата

Read more

Во Шпанија и Романија откриени печатници за лажни банкноти

Read more

Вести

Нови протести во градовите низ Србија

Читај повеќе

Заев: Со барањето за Албанец премиер ДУИ уценува, под уцена не се разговара

Читај повеќе

Почна уривањето на бетонската база во Охрид

Читај повеќе

Рекордни дневни бројки на заразени на Балканот, најмногу кај нас и во Србија

Читај повеќе

Грците се плашат од увезени случаи на COVID-19 од кратки посети во С. Македонија

Читај повеќе

Заев: Mинималната пензија ќе изнесува 10.700 денари

Читај повеќе

Мицкоски: По победата по 15 јули треба да се засукаат ракавите

Читај повеќе

ДУИ бара Уставен суд да овозможи регистрирање на лица во изолација за гласање и деновите до 15 јули

Читај повеќе

Кои се правилата за влез и транзит низ земјава за државјани на Србија, Косово, Црна Гора и БиХ?

Читај повеќе