Францускиот претседател Емануел Макрон смета дека неговиот руски колега Владимир Путин направил историска и најголема грешка кога ја нападнал Украина, поради што денес е изолиран.
„Мислам, и тоа му го кажав, дека направи историска и најголема грешка кон својот народ, кон себе и кон историјата“, рече Макрон во интервју за француските регионални медиуми на 100-тиот ден од војната.
„Мислам дека е изолиран. Едно е да се затворите во изолација, а тешко е да излезете од неа“, рече Макрон.
Макрон не исклучува посета на Киев
Францускиот претседател повтори дека Русија не треба да биде понижена, која беше лошо примена во Источна Европа, „за штом престанат борбите, дипломатски да ѝ дозволиме да излезе од оваа ситуација“.
На постојаните повици да го посети Киев, додека многу од неговите европски колеги веќе беа таму, тој одговори: „Не исклучувам ништо денес“.
„Сакаме да ја зголемиме финансиската и воената помош за Украина. И конечно, да направиме сè што можеме за да извеземе жито од Украина“, додаде тој, побивајќи го Владимир Путин, кој рече дека извозот на жито не е проблем.
Француските испораки на топови Cesar на украинската армија ќе бидат компензирани, додаде Макрон.
„Побарав од нашите фабрики да го забрзаат производството на оружје, не само за надополнување на залихите, туку и за зајакнување на нашата независност“, рече францускиот претседател.а