МВР соопшти детали за непријатниот настан во кој малолетничка во два наврати физички нападнала две девојчиња.
Вчера во СВР Велес било пријавено дека на 17.04.2021 околу 16:00 часот на ул.„11 Октомври“ во Велес 12-годишна малолетничка физички нападнала малолетно девојче на возраст од 11 години.
Исто така, било пријавено дека на 18.04.2021 околу 15:00 часот на ул.„11 Октомври“ истата малолетничка физички нападнала друга малолетничка од Велес.
Во врска со настанот, во полициска станица, во присуство на родител и социјален работник, бил извршен разговор со малолетното девојче, како и со уште една малолетничка која учествувала во настаните.
Се преземаат и дополнителни мерки и по целосно документирање на случајот во координација со Центарот за социјални работи ќе бидат поднесени соодветни поднесоци, како и пријава против родителот С.И.(39) од Велес поради негрижа за дете.