Актуелниот африкански шампион Сенегал потврди синоќа дека ќе мора да настапи на Светското првенство во Катар без својот најдобар фудбалер Садио Мане.
Фудбалот на минхенски Баерн ја повреди фибулата на десната нога на бундеслигашкиот натпревар против Вердер, но првичните најави од Фудбалската федерација на Сенегал најавија дека Мане ќе биде подготвен за нокаут фазата доколку Сенегал ја мине групната фаза во конкуренција на Холандија, Еквадор и домаќинот Катар.
Сепак, сега е потврдено дека на Мане ќе му биде потребен оперативен зафат и тој ќе мора да го пропушти Мундијалот што почнува в недела.
„Според докторите на репрезентацијата на Сенегал, Абдурахман Федиор и Мануел Афонсо, кои тесно соработуваат со нивните колеги од Баерн, повредата на Садио Мане бара хируршки зафат, поради што двојниот освојувач на африканската Златна топка некое време ќе биде надвор од теренот“, објави ФСФ.
Мане (30) за репрезентацијата на Сенегал има 93 настапи на кои постигна 34 голови.
„Вест која е удар за многу навивачи, но и која несомнено ќе биде извор на мотивација за репрезентативните колеги кои сите ќе играат за него“, дополни Сенегалската федерација.