Легендарниот аргентински фудбалер Диего Армандо Марадона е новиот тренер на Ал-Фуџаира, фудбалски клуб од Обединетите Арапски Емирати.
Марадона синоќа го потпишал договорот и објави фотографија од состанокот со претставниците на клубот.
Ова е трет ангажман на Марадона како тренер во неговата спортска кариера: беше селектор на Аргентина од 2008 до 2010 година, а потоа го водеше Ал Васл во сезоната 2011/2012.
Минатата недела тој изјави дека би сакал да биде тренер на Наполи, но Маурицио Сари цврсто ја држи таа позиција.
