Лековитите својства на медот им се познати на сите. Како најуниверзален природен лек се наоѓа во сечиј дом за секој случај, за превентива и јакнење на имунитетот на организмот, но и лекување на различни тегоби и болести. Природниот мед е богат со разни видови шеќери и голем број на други состојки, имајќи ги предвид неговите лесно асоцибилни својства, хранливата вредност, содржината на минерални соли и витамини и лековити материи.
Во случај на настинка се користи со друга храна и лекови, па луѓето земаат мед измешан во млеко или со сок од лимон или топол чај (иако не е препорачливо да се додава во топол чај бидејќи топлата вода ги уништува сите корисни својства, оставајќи ги само шеќерите и јаглехидратите).
Медот од лаванда има интензивен вкус и мирис, а може да биде со потемна или посветла боја. Спаѓа меѓу најлековитите видови со силно делување, овозможувајќи го искористувањето на калциумот и железото од храната. Особено им се препорачува на трудници и сите што имаат недостаток од калциум во организмот, проблеми со забите и коските, остеопороза, покачен крвен притисок.
Делува благотворно на органите за варење, ги чисти белите дробови и ја смирува кашлицата. Медот од лаванда делува смирувачки и е силен борец против нервоза, а со тоа го подобрува квалитетот на сонот. Помага во борбата против поблагите форми на депресија. Медот од лаванда ги ублажува симптомите предизвикани од предменструален синдром. На луѓето склони кон алергии на полен им се советува секојдневно да земаат мед од лаванда.
