Во шокантното интервју за Опра Винфри, Меган Маркл изјави дека се омажила за принцот Хари три дена пред кралската венчавка, а медиумите добро ги истражија тие информации и открија дека не се точни.
Меган во интервјуто рече дека кралската венчавка била само претстава за јавноста.
Британскиот медиум The Sun го објави нивниот венчален лист на кој официјален датум за венчавка е 19.05.2018 година, односно денот на официјалната кралска венчавка.
Зошто Меган рече дека се венчале три дена пред тој датум и им дозволи на медиумите повторно да најдат невистини во нејзините изјави, никој не знае.
Во интервју за Опра, Меган рече дека на таа венчавка немало сведоци, туку само принцот Хари, свештеникот и таа. Таа додаде дека вистинскиот венчален лист е закачен во рамка во нивната куќа, а не оној што го добиле на денот на кралската венчавка.
„Жал ми е, но Меган е очигледно збунета и дезинформирана. Не се венчале три дена претходно пред архиепископот во Кантербери“, изјави Стивен Бортон, поранешен началник на канцеларијата во матичната служба.
„Специјалната дозвола за чие составување им помогнав јас им дозволи да се венчаат во капелата Сент Џорџ во Виндзор, а она што се случи таму на 19 мај 2018 година и она што го видоа милиони луѓе ширум светот беше официјална венчавка признаена од Црквата и законот. Она што претпоставувам дека го направиле е размена на некои едноставни завети што можеби самите ги напишале и ги кажале пред архиепископот или, најверојатно, тоа било обична проба“, додаде Бортон.
„Не е можно да се венчале во Нотингем Котиџ бидејќи тоа не е одобрено место и немало доволно присутни сведоци. Не можете да стапите во брак со само тројца присутни. Тоа не е валидна церемонија. Мислам дека војвотката е збунета. Некое сведоштво за дадени завети закачено на ѕид не е официјално сведоштво за венчавка“, заклучи тој.
