Во СВР Скопје денес е пријавено дека во кругот на Меѓународната автобуска станица – Транспортен центар, во близина на банкомат бил оставен куфер. Тоа предизвикало сомнеж кај луѓето, па повикале полиција.
Заборавен куфер пред банкомат на Меѓународната автобуска станица во Скопје причина за евакуација и знак на тревога, пренесе Слободен печат. Всушност, повозрасна жена го заборавила куферот пред банкомат, пренесе порталот.
Според соопштението на МВР, во куферот имало облека и истиот не претставувал никаква опасност за граѓаните.
Во соопштението на МВР стои:
„Денеска во СВР Скопје е пријавено дека во кругот на Меѓународна автобуска станица- Транспортен центар во близина на банкомат бил оставен куфер. Веднаш се преземени соодветни мерки и активности, направени се потребните проверки и утврдено е дека станува збор за едно лице кое го оставило куферот, во кој имало облека односно нема никаква опасност за граѓаните“.
