Славниот актер Мет Дејмон вo ново интервју откри дека неговата 21-годишна ќерка Алексија била заразена со коронавирусот и дека закрепнала од COVID-19.
Моментално актерот се наоѓа во изолација во Ирска, каде требаше да сними филм, но пандемијата ги откажа сите негови деловни обврски. Тој е таму со сопругата Лусијана Баросо и нивните ќерки: 13-годишната Изабела, 11-годишната Џиа и 9-годишната Стела.
„Нашата најстара ќерка е студентка, неодамна беше во Њујорк и таму таа и нејзините цимери се заразија од коронавирусот“, соопшти актерот.
Алексија е најстарата ќерка во семејството на актерот. Иако не ѝ е биолошки татко, тој ја гледа како своја ќерка. Таа сега не е со нив дома, но тој напомена дека сите ќе се обединат повторно кон крајот на мај.
Дејмон и Баросо заедно со ќерките се во Ирска од март, актерот требаше да го сними филмот „The Last Duel“, кој претходно се снимаше во Франција. Тој објасни дека со нив се и приватните учители на децата, со оглед на тоа што тие оправдано отсуствуваат од училиште.
Дејмон и Баросо се запознаа за време на снимањето на „Stuck on You“ во 2003 година. Две години подоцна се свршија и во 2005 година се венчаа. Алексија е ќерка на Баросо од нејзиниот претходен брак со Арбело Баросо.
