Во саботата навечер голем метеор го осветли небото над Норвешка, а настанот можеше да се види и од Шведска, соопштија локалните медиуми.
Сведоци на настанот ја контактирале полицијата кога виделе силна светлина и слушнале силна бука, пренесоа норвешките медиуми. Некои луѓе ги отвориле прозорците и вратите бидејќи почувствувале промена на притисокот во воздухот.
Новинар на норвешкиот весник Verdes Gang метеорот го опиша како огнена топка во воздух којашто го осветлила небото.
Светлината по еден часот наутро по локално време можеле да ја забележат на југот на Норвешка, но и во Шведска.
Астрономот Вегард Лундби од Норвешката мрежа за следење метеори ( Norsk Meteornettverk) вели дека моментално се трага по остатоци од метеорот на Земјата, а кои би можеле да тежат и по неколку килограми.
Истакнато е дека метеорот паѓал со брзина од 16,3 километри во секунда. Научниците сметаат дека истиот пристигнал од појасот астероиди меѓу Марс и Јупитер. Првичните информации покажуваат дека паднал во шума оддалечена 60 километри од Осло. Би можел да тежи најмалку 10 килограми.
Метеорот е посебен по тоа што луѓето можеле да го видат и слушнат. Вакви падови на метеори на Земјата се ретки, но еден таков повреди најмалку 1.600 луѓе во Русија во 2013 година, пишува BBC.