Американската инвеститорска компанија RedBird Capital се здружи со сопствениците на најтрофејниот бејзбол клуб во МБЛ лигата, Њујорк Јенкис, за да го купи актуелниот италијански фудбалски првак Милан за 1,2 милијарди евра.
RedBird Capital ќе биде мнозински сопственик, додека Yankee Global Enterprises (YGE) ќе има малцински удел во Милан.
Новите сопственици објавија дека имаат за цел „да го задржат местото на Милан на врвот на европскиот и светскиот фудбал“.
Минатата сезона Милан ја освои својата 19-тата италијанска титула, прва по пауза од 11 години.
Клубот од Милано и досега имаше американски сопственици во компанијата Elliott.