Скопје, 22 јули 2020 (МИА) – Министерот за економија Крешник Бектеши на својот Facebook профил објави дека е позитивен на COVID-19.
Резултатот од тестирањето го добил денеска, и како што пишува, нема никакви симптоми и се чувствува добро.
– Сакам да ве известам дека и покрај максималните напори за почитување на протоколите и мерките за заштита од коронавирусот, добив информација дека сум позитивен на COVID-19, според тестот направен утрово.
За среќа, немам никакви симптоми и се чувствувам добро, а членовите на моето семејството по денешното тестирање се негативни на тестот за COVID-19, наведува Бектеши.
Тој ги повика граѓаните да се придржуват кон протоколите и мерките за заштита од коронавирусот.
– Здравје и среќа за сите!, ви посакувам се најдобро на вас и вашите семејства! Заедно со вашата поддршка, ќе го надминеме овој предизвик!, напиша Бектеши.