Кристијано Роналдо откако излезе позитивен на COVID-19 веднаш од Португалија се врати во Италија, што за италијанскиот Министер за здравство е прекршување на нивниот протокол за позитивните луѓе.
Португалската ѕвезда беше во татковината подготвувајќи се за пресметката со Шведска во рамките на Лигата на нации кога доби позитивен резултат од тестирањето, па отпадна од составот и беше ставен во самоизолација. Со чартер лет се врати во Торино за таму да ја преседи изолацијата, но токму со враќањето ги прекршил италијанските закони.
„Роналдо го прекрши протоколот со тоа што отиде во Португалија и се врати. Да, токму така, бидејќи нема добиено никаква посебна дозвола од здравствените власти“, рече министерот Винченцо Спадафора говорејќи за Rai Radio Uno во емисијата „Il Mix delle cinque“ на Џани Миноли.
Бидејќи бил позитивен во друга земја, според протоколот на Италија требало да остане во Португалија дури не добие два последователни негативни теста, освен ако не добие посебна дозвола за влез во Италија, нешто што Роналдо не го ни побарал.
Веројатно сега Роналдо го чека и казна за прекршување на државниот протокол, што секако, за него паричната казна и нема да му биде проблем.
