Легендарниот ММА борач Марк Хант жестоко го нападна првиот човек на УФЦ, Дејна Вајт, поради одлуката промоција на боречките вештини чиј претседател и директор е Вајт да ја прекине соработката со Американската антидопинг агенција (USADA).
Од следната година за допинг-тестирањето во УФЦ ќе биде задолежна Drug Free Sport International (DFSI).
Хант, легендата која се бореше за титулите во тешка категорија во PRIDE и УФЦ, долго време се кара со Вајт. Нивниот конфликт трае од 2016 година и борбата што Хант ја имаше со Брок Леснар. Хант го загуби тој натпревар, а потоа се покажа дека Леснар е допингуван, па Хант ги тужеше Вајт, Леснар и промоцијата и во тужбата изјави дека УФЦ знаела дека Леснар користи допинг и ја обвини промоцијата за рекетирање, измама и кршење на договор.
Сега, откако ја објави веста за прекин на соработката меѓу УФЦ и USADA, се огласи преку Instagram, ги означи УФЦ и Вајт, им порача да се засрамат и напиша: „Ви давам една година пред да пропаднете. Не можеш да ограбуваш борачите и нивните семејства. Егзодусот од вас криминалците веќе започна“.
Навредите не застанаа тука - Хант го нарече Вајт „ѓубре“ и „безвредна џукела“.
