Иако Меланија Трамп блескаше во нејзиниот розов фустан, сепак оваа нејзина облека предизвика голем револт и бес во очите на јавноста.
Сопругата на американскиот претседател Меланија Трамп го одржа својот прв говор во Обединетите Нации, а за оваа важна прилика одбра гламурозна комбинација.
Првата дама на САД доверба му укажа на шпанскиот бренд Deplozo, носејќи ја нивната комбинација капут-фустан во розева боја.
Поранешната манекенка блескаше во неон волнена креација која се состои од волуменирани ракави и каиши кои ја потенцираа нејзината витка половина.
Иако несомнено е дека таа има одличен моден вкус, сепак јавноста остана револтирана поради фактот дека убавата Словенка носеше модна креација од 3.000 евра, додека во исто време одржа говор за гладните деца во светот.
„Ниедно дете не смее да биде гладно, исплашено, тероризирано, измачувано и да нема каде да се сокрие. Секое дете треба да ги научи вредностите на емпатијата, љубезноста, вниманието, интегритетот и лидерството кои можат да им се објаснат само со личен пример“, истакна првата дама.