Деветнаесет-годишно момче загина на свадба во Липково, Куманово.Според информациите на МВР, во вторник околу 23:30 часот, во Медицински центар-Куманово бил донесен Б.А.(19), државјанин на Германија, а по потекло од Прешево, Србија со огнострелна рана во пределот градниот кош, која ја стекнал на свадбена веселба во село Липково.
„Излезено е на лице место и констатирано е дека околу 22:45 часот, додека седеле во дворот од куќата сопственост на З.Ш.(51) , А.Ш.(63) од село Липково извадил пиштол кој го поседувал без дозвола и испукал три куршуми, од кои еден проектил го погодил Б.А.“, соопшти МВР.
Момчето во критична состојба било пренесено во кумановската болница каде што им подлегнало на повредите.
По наредба на Основно јавно обвинителство Куманово телото на починатиот е предадено на Институтот за судска медицина за обдукција.
А.Ш. е приведен и задржан во полициска станица Куманово за понатамошна постапка.
