Легендарната компанија Shelby American го слави својот 50 роденден, а во таа чест ќе го претстави моделот Shelby Super Snake кој е базиран на Mustang GT. За Shelby Super Snake, познавачите велат дека е „убиец“ на Dodge Challenger Hellcat, а силата ја добива од 5-литарскиот V8 мотор кој испорачува 760 коњски сили.
Ограничената серија од 500 примероци во основната верзија има 5.0 литарски V8 мотор кој со механички компресор нуди 610 коњски сили, а Shelby нуди и посилна верзија на моторот со помоќен компресор кој располага со 760 коњски сили.
Со редизајнираните каросериски детали, поинаквите тркала и новиот поклопец за моторот, Super Snake во најсилната верзија забрзува од 0-100 километри на час за само 3,5 секунди.
Интересно е дека Shelby својот модел Super Snake ќе го продава и надвор од САД, а почетната цена ќе биде околу 70.000 долари.
„Во времето на стерилни автомобили, нудиме брз и возбудлив автомобили за купувачите кои вистински уживаат во возењето“ - вели првиот човек на Shelbi, Гери Патерсон.
