Кошаркарите на МЗТ синоќа во СЦ „Јане Сандански“ загубија од Златибор во финалниот натпревар на завршниот турнир во регионалната АБА2 лига.
Натпреварот беше решен по продолжение од пет минути, откако основните 40 завршија нерешено 72:72.
Избраниците на тренерот Александар Петровиќ не го искористија последниот напад за победа, откако претходно успеаја да ја анулираат предноста на гостите од Србија која на моменти изнесуваше и 20 поени.
И покрај поразот во финалето, МЗТ го обезбеди враќањето во јадранската елита, додека Златибор ќе игра бараж со најслабопласираниот српски тим во АБА.
Најефикасен играч на натпреварот и најзаслужен за триумфот на Златибор во победничкиот тим беше Душан Кутлешиќ со 35 пени.
Во поразениот тим Војдан Стојановски постигна 14 поени.
„Огромна благодарност за нашите верни навивачи и сите останати симпатизери на клубот, но и на македонскиот спорт, за поддршката која ни ја дадоа во изминативе пет дена. Заеднички ја остваривме целта“, објави клубот.
МЗТ и покај поразот избори пласман во најдобрата АБА лига бидејќи Златибор како српски клуб мора да игра бараж со друг клуб од оваа земја поради правилото за ограничување на бројот на учесници од една држава.