Иако продажбата на автомобили минатата година претрпе штета поради затворањето на фабриките и другите нарушувања предизвикани со пандемијата, сепак продажбата на луксузни автомобили како Ferrari, Bentley и Lamborghini доживеа огромен раст кон крајот на 2020 година.
„Се занимавам со оваа работа веќе 40 години и сè уште не сум вакво нешто“, вели Брајан Милер, претседател на Manhattan Motors, застапник на ултра луксузни брендови.
„Во САД вкупната продажба на автомобилите падна за 10 проценти во однос на 2019 година. Дури и кога продажбата на автомобили во четвртото тримесечје силно би закрепнала, достигнато е нивото од четвртиот квартал на 2019 година“, изјави за CNN Тајсон Џомини од JD Power.
Сепак, продажбата на автомобили кои чинат повеќе од 80.000 долари е скоро двојно поголема во четвртото тримесечје во однос на минатата година. За автомобили кои чинат повеќе од 100.000 долари продажбата во САД порасна за 63 проценти во истото тримесечје, вели Тајсон. Тој смета дека богаташите не можеле да трошат пари на патувања, па се свртиле кон купување автомобили.
Така, Bentley минатата година оствари рекордни резултати, и покрај пандемијата и продаде 11.206 автомобили, стотина повеќе отколку во 2019 година. Посебно доживеа успех во Кина.
Lamborghini имаше најпрофитабилна година во историјата, во текот на годината продаде 7.430 возила.
Ferrari има рекордна количина на нарачки, иако продажбата опадна за 10 проценти.
Продажбата на Rolls-Royce опадна за повеќе од 26 проценти во однос на рекордната 2019 година.