Англискиот репрезентативец Хари Кејн игра феноменално откако летово се пресели од Тотенхем во германски Баерн и ги руши сите рекорди во највисокото ниво на тамошниот фудбал.
Од доаѓањето во Минхен, центарфорот на Баварците постигна 18 гола и 5 пати им асистираше на соиграчите, па според статистиката која го вклучува збирот на овие два параметра, тој е најдобар играч во лигите од големата петорка.
Зад него е неверојатниот Ерлинг Холанд од Манчестер Сити, кој 14 пати погоди за актуелниот европски шампион и 3 пати асистираше на соиграчите, а на третото место е Серху Гираси од Штутгарт со 15 голови и 1 асистенција.
Исто толку има и Килјан Мбапе од ПСЖ, само што најдобриот француски репрезентативец постигна 14 гола и 2 пати им асистираше на соиграчите.
Петтата позиција на оваа листа му припаѓа на Мохамед Салах од Ливерпул, кој постигна 10 гола и забележа 5 асистенции, додека Лаутаро Мартинес од Интер може да се пофали со 13 гола и 1 асистенција.
На седмата позиција е Лирој Сане со вкупно 14 (8 гола и 6 асистенции), гол помалку постигна Џуд Белингам (со 2 асистенции), Виктор Бонифејс има 10 гола и 3 асистенции, а на десеттата позиција е Лоис Опенда со 9 гола и 3 асистенции.
