Селами Чокај дошол во Велика Британија во 1999 година, но бил депортиран 10 години подоцна кога било откриено дека побегнал од албански затвор каде што издржувал казна од 20 години за убиство.
Во тоа време го користел името Валтон Гаши и се претставувал како бегалец од Косово.
Најбараниот албански убиец, кој побегнал од затвор, ја избегнал депортацијата и сега живеее удобен живот во Велика Британија, пишува „Дејли мејл“. Тој заработува 45.000 евра годишно од миење автомобили.
Неговото име се нашло и на листата на Интерпол на најбарани криминалци поради убиство со нож и грабеж што го извршил во 1994 година.
Но, по три години, тој побегнал од затворот. Неколку месеци по доаѓањето во Велика Британија во 1999 година започнал бизнис со миење автомобили, а таму основал и семејство.
Во 2006 година е откриена неговата тајна, па во 2009 година бил депортиран. Меѓутоа, во 2105 година тој сепак успеал да се врати во земјата.
Британскиот адвокат Филип Дејвис вели дека не може да поверува дека осуден убиец слободно живее во Велика Британија и дека досега не е депортиран од земјата.
„Навистина е неверојатно што тој сè уште е на слобода и ужива во удобен живот“, вели тој.
И покрај тоа што е најбаран човек, според албанските закони, поминало многу време откако му била изречена казната поради што бил ослободен во 2012 година.
