На многумина им се има случено да го преварат замрзнатиот зеленчук поради што тој ја губи својата хранливост, текстура и боја. Како да ги избегнете тие грешки?
Многу е важен изборот на замрзнат зеленчук. Кога ќе го земете пакувањето, проверете дали се шири во ќесата или останува собрано на едно место. Ако е во прашење едно или повеќе поголеми парчиња смрзнат зеленчук, тоа обично значи дека во текот на транспортот бил одмрзнуван, па повторно замрзнуван, што предизвикува губење на хранливите состојки и дехидрација којашто влијае на бојата, цврстината и вкусот.
Свежиот зеленчук има највисоко ниво на хранливост, а кога ќе го почувствувате секое поединечно парче зеленчук во кесата значи дека тој производ го задржал почетниот квалитет.
Многу е важно и со што го послужувате зеленчукот. Јадењата коишто се печат во рерна, како и супите, обично ја сокриваат текстурата на замрзнатиот зеленчук.
Експертите не препорачуваат мешање на свеж и замрзнат зеленчук.
Неколку совети како да ги избегнувате најчестите грешки при готвење замрзнат зеленчук:
1. Немојте да го потопувате во вода пред готвење, единствен исклучок се зелениот зеленчук и пченката.
2. Не го чувајте предолго смрзнатиот зеленчук, ги губи вкусот и бојата по осум до 12 месеци.
3. Водете сметка смрзнатиот зеленчук да го додадете во вистинскиот момент кога готвите, имајте на ум дека се готви побрзо од свежиот.
4. Исклучок се големите парчиња зеленчук кои се замрзнати во средината.
5. Избегнувајте микробранова печка во текот на готвење зеленчук.
