Откако ќе наполните 40 години време е да се откажете од одредени животни навики и внесете нови за да го сочувате здравјето.
Прочитајте што советуваат експертите кога станува збор за здравјето по 40-тата година:
„Како што старееме, така сите минуваме низ хормонски промени, а тоа може да влијае на метаболизмот и начинот на кој нашето тело произведува и троши енергија“, објаснува нутриционистот Изабел Смит.
Таа додава дека резултат може да биде таложење масни наслаги во пределот на стомакот.
Ако размислувате за додатоци во вид на витамин Д, паметно би било првин да го проверите нивото на витамин Д во вашиот организам.
Ако саката да знаете кое е идеалното време да намалите кафе, веројатно ви е јасен одговорот. Смит советува една шолја кафе на ден и ништо повеќе од тоа. Премногу кофеин може да предизвика несоница и нервоза.
Една од најголемите промени во овие години е во метаболизмот и начинот на кој нашето тело ги процесира калориите. Факт е дека метаболизмот е побавен.
Јадете повеќе зеленчук и овошје за да внесувате доволно антиоксиданси.
Не само што е важно да појадувате за да го поттикнете метаболизмот, туку е потребно и нешто да грицкате во текот на денот.
Експертите советуваат да јадете на секои четири или шест часа за да му дадете доволно енергија на телото, а тоа може да помогне во согорувањето калории.
Омега-3 масните киселини се корисни за целото здравје. Ако го зголемите внесувањето на омега-3 масните киселини, зглобовите помалку ќе ве болат.
Можеби ви изгледа дека ќе мора да ги заборавите вежбите кои сте ги правеле во последните 20 години, но не мора да биде така. Само треба да ја модифицирате програмата.
Најдете неколку забавни активности и уживајте во нив. Можеби денес повеќе не можете да трчате пет километри секој ден, но можете да возите велосипед или да пешачете.
Многу е важно во овие години, посебно ако постојат одредени болести во семејството, редовно да одите на лекар. Слушајте го вашето тело ако некаде ве боли, не ги игнорирајте симптомите и посетете доктор.