Тиквичките припаѓаат на видот Cucurbitaceae, а во ботаничка смисла се сметаат за овошје. Сепак, во кујните ширум светот, вклучително и кај нас, се подготвуваат како и останатиот зеленчук.
Се одликуваат со долгнавеста форма и зелена лушпа, што ги прави многу слични на краставиците. Нивниот плод е богат со хранливи материи, па затоа треба почесто да се внесуваат во менито.
Тиквичките се добар извор на диетални влакна, поради што овој летен зеленчук им се препорачува на луѓето кои страдаат од запек. Не само што го заситуваат и стимулираат варењето, туку и ги чистат цревата од токсини.
Тиквичките се диетална храна бидејќи повеќе од 90% од плодот е вода. Затоа, не е чудно што во 100 грама има само 16 калории. Најдобро е лесно да ги испржите во некое здраво масло заедно со друг летен зеленчук.
Тиквичките се одличен извор на витамините Б и Ц, како и на калиум, кој ја регулира работата на срцето, го намалува крвниот притисок и спречува разни болести на протокот на крв. Запомнете дека повеќето хранливи материи се во лушпата, затоа не лупете ги за време на подготовката.
Овој летен зеленчук има и значителни количини на манган, кој е клучен за производството на аминокиселината пролин. Пролинот го стимулира создавањето на колаген во кожата и ја прави поздрава, но и го забрзува процесот на зараснување на раните на овој најголем човеков орган.
Тиквичките може да се наречат и вистинска машка храна. Манганот во тиквичката има корисен ефект врз зголемувањето на либидото, додека фитонутриентите ги намалуваат симптомите на зголемена простата, што на мажите им го отежнува мокрењето, а понекогаш и сексот.