Чудото наречено Departure One на германскиот производител Caravanboat, од камп приколка се претвора во брод.
Можеби ви изгледа дека иновацијава може да плови исклучиво по мирни езерски води, но Caravanboat тврди дека Departure One ги задоволува сите европски прописи за сигурност на пловила и дека едноставно може да биде прилагоден и за крстарење на море.
Departure One е опремен со вонбродски мотор со моќност од 15 КС, а можно е да се монтираат и помоќни погонски системи до 50 КС.
Камперот брод долг 9 метри нуди сместување за четири лица во две спални соби, кујна со трпезарија, бања со туш кабина и дури и тераса.
Опремен е со соларни панели, а кога ќе снема сонце како извор на електрична енергија служи бензинскиот генератор.
Цената е 58.000 евра.
