Главоболката најчесто се појавува поради стрес, преголеми психичко оптоварување, ненадејни временски промени, пушење цигари, но и од многу други причини.
Повеќето штом почувствуваат болка веднаш посегнуваат по лекови, но малкумина знаат дека аналгетиците предизвикуваат зависност.
Дознајте како природно да се ослободите од болката, а притоа да ја избегнете замката на зависност од аналгетици.
Масажата не бара потребни услови, а може да релаксира и смири, да ги ублажи воспаленијата, да го подобри протокот на крв во мозокот, но и квалитетот на сон.
Ако болката не е силна, обидете се со лесна масажа на врвот на главата, масирајте 5 минути со врвовите на прстите. Со лесни движења обидете да ги триете ушните реси 2 минути. Оваа техника го смирува нервниот систем и помага да се ублажи главоболката.
Аромата на етерични масла не само што го ублажува стресот, туку го подобрува расположението и помага при смирување на болки. Околу 10 минути масирајте ја кожата на главата со масло од мента или лаванда. Ако оваа техника не помогне, нанесете масло на пределот на слепоочниците и челото, може и да го вдишете околу 5 минути во континуитет.
Подеднакво ефикасен начин да се ослободите од главоболка е чај од нане со мед. Штом ги почувствувате првите симптоми сварете си чај и пијте двапати во текот на денот.
Болката предизвикана од стрес и тензија може да се ублажи со ладни облоги. Намокрете крпа во студена вода или замотајте коцки мраз во ленена крпа и ставете на темето, најчесто таму се јавува болката. Не користете лед на мускулите и меките ткива бидејќи може да ја засилите болката.
Болката предизвикана поради нарушена циркулација среде мускулна спазма може да се ублажи со ширење на крвните садови. Ставете пластично шише наполнето со топла вода на врат, топла облога или едноставно истуширајте се со топла вода.
