Знаеме дека изминативе две години имаа големи влијание врз сите нас, а немал број на млади луѓе поголемиот дел од времето се бори со стрес. Така, знаеме дека стресот делува на нашиот сон, здравјето на дигестивниот систем и телесната тежина, покрај бројните аспекти од нашиот живот.
За најдобро да го искористиме времето кое го имаме за себе, нутриционистката Феј Џејмс нуди некои начини за опуштање:
Малку јога и истегнување помага да се ослободите од напнатоста. Кратки рутински излегувања на сонце, ориентација на колковите, глутеалните мускули и грбот доста ќе ви помогнат.
10-минутна медитација за смирување на мислите и концентрацијата на дишење е добар почеток. Седнете на некое мирно место, на пример на тераса, испразнете ги мислите и исклучете се.
Вечерајте лесна храна за вашето тело да нема проблеми да го свари последниот оброк. Ако јадете претежок оброк за вечера, тоа ќе го поремети вашиот сон, што потоа влијае на зголемен стрес.
Избегнувајте алкохол барем 4 часа пред спиење за да немате пореметувања во спиењето. Истражувањата покажуваат дека алкохолот може да има значително влијание врз квалитетот на сонот.
Немојте да јадете по 7 часот навечер за на телото да му дадете доволно време да ја свари храната пред легнување и за да имате најмалку 12 часа пост до наредното утро. Истражувањата покажуваат дека повремениот пост помага во одржувањето на здравјето на дигестивниот систем.
Топло бањање со магнезиумови соли и масло од лаванда помага да се намалат болките во телото. Воедно, овие две состојки делуваат и антистресно.
Испијте шолја чај за опуштање, по можност од лимон, камилица или лаванда. Овие ароми му помагаат на телото да се смири и опушти.
Сите електронски апарати ставете ги на страна барем 2 часа пред спиење за да можете да се тргнете од друштвените мрежи и вести. Премногу инмформации од таквите извори поттикнува стрес и анксиозност.
Лосион за тело со магнезиум и лаванда е добра опција пред спиење. Лесно ќе потонете во сон.
Длабоко вдишете и размислете за сѐ она за што сте благодарни во животот. Благодарноста помага да добиеме перцепција за приоритетите, а така полесно ќе се одбраните од грижите кои ве мачат.
