Во многу култури започнувањето разговор со странец е задолжително и се смета за основна култура. Меѓутоа, тоа не е случај во Шведска. Овие Скандинавци сметаат дека неформалниот разговор е непотребен, бидејќи разговорот се користи за размена на вистински и значајни информации.
Швеѓаните сметаат дека неврзаниот разговор е залуден и го нарекуваат kallprat (калпрат) - ладен разговор или dodprat (додпрат) - мртов разговор. Со цел да се избегне влегување во овие ситуации, многу Швеѓани развиле вештина да избегнуваат контакт со очи и со непознати и со познаници.
Наместо да зборуваат, тие гледаат во телефоните или во излозите на улиците. За Швеѓаните, целта на разговорот е размена на значајни информации, а бесмислениот муабет едноставно не е потребен.
Ова оди дотаму што во Лулео, главниот град на најсеверната област во Шведска, жителите започнаа кампања „Säg hej“ (Сеј хеј - Кажи здраво) во која се поздравуваат на улица, објаснува BBC.
Градот се наоѓа толку далеку на север што жителите имаат само 3 часа сончева светлина во текот на зимата. Ова секако придонесува за нивната резервираност. Всушност, познато е дека луѓето во Лулео толку малку зборуваат меѓу себе што зборот „да“ често го заменуваат со нагло вдишување.
Надвор од Лулео, странците во Шведска кои се обидуваат да започнат неформален разговор во продавница или кафуле, дури и со локалниот поздрав „хеј“, најверојатно ќе бидат пречекани со монотоно „хеј“ како одговор.
Експертите велат дека тоа се случило бидејќи Шведска е ретко населена земја, па често немало можност да се воспостават контакти со странци.
Според друго толкување, одбивноста кон разговорот може да биде поврзана со релативно ниското ниво на имиграција во Шведска до 60-тите години на минатиот век. Минималната изложеност на други култури ја направи реално мала веројатноста Швеѓаните да ја прифатат оваа навидум „нешведска“ практика.
Сепак, и покрај нивната навидум студена надворешност, Швеѓаните речиси секогаш ќе бидат љубезни и пријателски настроени, иако очигледно на поинаков начин од оние од „позборливите“ култури.
