„Најмалку петмина се загинати, а седум се ранети во американскиот напад на воздушна база во Сирија“, изјави Талал Барази, гувернер на провинцијата Хомс.
Тројца војници и двајца цивили загинале во ракетниот напад на САД врз воздушна база во Сирија, а седум лица се повредени. Опсерваторијата за човечки права чие седиште е во Лондон, објави дека во нападот загинале четворица војници, вклучувајќи и генерал на сириската армија.
САД по наредба на претседателот Доналд Трамп, утрово во 4:40 по сириско време, извршија ракетен напад врз воздушната база во Сирија, од каде според Американците полетале авионите кои во вторникот извршија напад со хемиско оружје во покраината Иблиб.
САД од бродовите во Средоземното Море испукале помеѓу 50 и 60 ракети врз базата.
Опсерваторијата за човекови права објави дека во нападот била причинета голема материјална штета, дека биле уништени десет хангари, магацин за нафта и воздухопловна база.
Во нападот со хемиско оружје, кое сириската армија негира дека го извршила, загинаа 86 лица, а 564 се повредени.