По десет години брак рускиот милијардер Роман Абрамович се раздели од 15 години помладата сопруга Даша Жукова.
Во заедничка објава за медиумите тие ја објавија разделбата, напомнувајќи дека ќе останат блиски пријатели. Ова е трет развод за милијардерот. Сопственикот на Челзи тежи 7 милијарди долари, а според медиумите ова би можело да биде најскапиот развод во историјата.
Парот има две деца, син и ќерка. Се запознале на забава во 2005 година, додека Абрамович бил женет со Ирина Маландина, поранешна стјуардеса. Даша е ќерка на руски нафтен магнат и мајка научник, а пред да се занимава со мода сакала да стане докторка.
