Малтешката лига викендов беше сведок на еден од најголемите местени натпревари некогаш видени. Депиро и Хибернианс го завршија натпреварот со резултат 69:68 во корист на домашната екипа, откако не постигнаа ниту еден кош во последните 6 минути и 30 секунди игра.
И тоа не затоа што ги промашија своите удари, туку затоа што не се ни обидоа.
Тоа беше серија апсурдни потези, губење на поседот и топки за кои никој не се бори. Шокантната снимка покажува играчи кои имаат слободен пат до кошот, но наместо тоа претпочитаат да им даваат ужасни додавања на соиграчите. Сето тоа со смеа на навивачите кои беа на трибините.
Двете екипи го поставија резултатот за подобри позиции во плеј-офот, но нема да ги има.
Малтешката кошаркарска федерација ја поништи играта и веднаш ги исфрли двата клуба од лигата поради „неодржување на очекуваниот стандард и интегритет и сериозно кршење на правилата на игра и на кошарката“.
Исто така, двата клуба добија казна од минус 3 бода за следната сезона, а тренерите се суспендирани и нема да можат да ги водат екипите следната сезона.
Играчите на двата тима добија по 3 натпревари суспензија поради „сомнително“ однесување во последните 6 минути.