Фреди Блом од Јужноафриканската Република има 114 година и ја чека потврдата од Гинисовата книга на рекорди дека тој е најстариот човек на светот, а сега вели дека сака да прекине да пуши, но „ѓаволот не му дозволува“.
Овој Јужноафриканец го поминал животот во работа. Прво на фарма, а потоа во градежништво, а сега чека официјално признание за титулата најстар човек на светот.
Како што пренесува „BBC“, иако одамна го оставил алкохолот, Блом останал редовен пушач.
„Имам свој тутун, не купувам цигарите. Навиката е премногу силна. Понекогаш си велам себеси дека ќе престанам, но знам дека се лажам, не можам бес цигари. Белите дробови ми бараат дим. Ѓаволот е крив, многу е силен“, вели Блом на прославата на 114 роденден.
Првата работа која го привлекува вниманието кај овој човек е тоа дека изгледа многу цврсто и здраво.
Овој висок, солидно граден маж оди без помагала, малку побавно, но тој е целосно здрав, освен што има мали проблеми со слухот.
Блом на 8 мај наполни 114 година и за него се вели дека е најстариот човек на светот, иако се уште се чека официјална потврда.
Овој Јужноафриканец вели дека ниту сам не успеава да ја објасни својата долговечност.
„Има само една работа, оној горе. Тој е семоќен, јас овде не можам ништо. Можам да се срушам во секој момент, но тој ме одржува во живот“, вели Блом.
„Добро се чувствувам, здрав сум. Срцето ми е уште силно, но нозете ме издаваат, не можам да одам како некогаш“, вели тој.
Тој стана неизбежно славен, а за роденден доби многу колачи од локалниот супермаркет и регионалното министерство за социјален развој.
И понатаму е неписмен
Блом во раната младост го напушти своето село Аделајд, привлечен од светлата на Кејптаун. Бидејќи не посетуваше училиште, тој остана неписмен до денеска.
Присетувајќи се на детството, тој раскажуваше за моменти кои му останале во срцето.
„Би сакал да се разбудам надвор и да го истражувам светот. Како мал често носев прачка и ловев птици, бев горд кога ќе се вратев дома со низа уловени птици“, се присетува Блом на младоста.
Во однос на неговата долговечност, неговата 28 години помлада сопруга, Џенета, вели дека Фреди се храни сосема обично, дека сака месо во секој оброк, но и дека јаде доста зеленчук.
