Промената на времето често се одразува на кожата, особено на рацете. Кожата на рацете треба да се негува подеднакво како и на другите делови од телото бидејќи најмногу ги „издава“ годините.
Со овој домашен пилинг за раце ќе добиете мека, нежна и негувана кожа без да трошите пари на скапи козметички производи.
Состојки:
1 лажица кокосово масло
2 лажици сиров мед
1/4 шолја морска сол
1/4 шолја органски шеќер
1 лажица сок од лимон
Измешајте ги медот и кокосовото масло во еден сад. Во друг, помал сад, измешајте ги солта, шеќерот и сокот од лимон додека не добиете смеса слична на влажен песок. Додајте ја втората смеса во првата и мешајте додека текстурата не стане хомогена. Соберете го пилингот во тегличка со капак и чувајте го на суво и темно место.
Земете од пилингот количина колку еден лешник. Измасирајте ги дланките 30 до 60 секунди со нежни движења. Не го заборавајте просторот меѓу прстите. Измијте со топла вода и исушете ги дланките со тапкање, не со бришење.
Кокосовото масло во требало да е доволно за да ја навлажни кожата, но ако чувствувате потреба за дополнителна хидратација, ставете тенок слој од кокосовото масло.
Повторувајте ја постапката еднаш до два пати неделно.
