Компанијата Rocket Lab успешно го лансираше кубсат сателитот CAPSTONE за американската вселенска агенција НАСА, кој во иднина ќе орбитира околу Месечината.
Лансирањето на сателитот CAPSTONE е мал, но важен чекор во мисијата Artemis на НАСА, чија цел е да ги врати луѓето на Месечината за прв пат по 1972 година.
Лансирањето на сателитот помина во најдобар ред со помош на ракетата Electron. Оваа ракета во главно е слична на другите, но всушност е првата што се напојува со батерии наместо гасна турбина. Затоа постои фаза наречена „исфрлање на батерија“, која се случува на крајот на циклусот на лансирање.
Rocket Lab ја користеше ракетата Electron со посебен додаток наречен горна фаза Lunar Photon со доволно енергија за да патува во длабоката вселена. Тоа е една од најмалите ракети со кои е направен обид да се лансира товар во орбитата на Месечината.
Ракетата Electron беше лансирана од полуостровот Махија во Нов Зеланд.
Сателитот CAPSTONE ќе орбитира околу Земјата 9 дена за да добие доволно брзина за транслунарно вбризгување, погонски маневар што се користи за поставување на вселенското летало на орбитата кон Месечината. Примарната цел е да се провери типот на елиптична лунарна орбита планирана за вселенската станица Gateway. Оваа станица ќе биде испорачана во лунарната орбита од компанијата SpaceX, а ќе има научна лабораторија и простории за астронаути, како и пристаништа за идните вселенски летала.
CAPSTONE се очекува до Месечината да пристигне до 13 ноември.
