Уникатниот суперспортски автомобил Pagani Huayra Pearl имаше непријатна несреќа во Франција, во која беше сериозно оштетен. Неодамна беше акутлена веста за Koenigsegg One:1 за тоа како еден од седумте вакви автомобили настрада за време на тестирањето на патеката Нирбургринг.
Huayra самата по себе е исклучително вреден и ексклузивен автомобил (со цена од околу 1 милион евра), а оштетената Pearl верзија е уникатна во светот. Автомобилот е препознатлив по задниот спојлер, кој има потекло од вториот модел на Pagani, Zonda S.
Иако нема многу детали за тоа како дошло до несреќата, од фотографиите се гледа дека задниот дел на автомобилот поминал со серозни оштетувања.
Pagani Huayra Pearl беше претставен оваа пролет, а компанијата тогаш не соопшти детали за тоа дали се извршени некакви модификации на погонскиот дел, во однос на регуларната верзија која има 6.0 V12 би-турбо мотор од Mercedes-AMG.
Моторот на Huayra Pearl испорачува 730 коњски сили, а силата се пренесува на задните тркала и го лансира автомобилот од 0-100 за 3,3 секунди, додека максималната брзина му е 370 километри на час.