НАТО ѝ се закани на Кина

Шефот на НАТО за BBC изјави дека Кина треба да се соочи со последици за поддршката на руската војна во Украина доколку не го промени своето однесување.

Јенс Столтенберг рече дека Пекинг „се обидува да седне на две столчиња“ поддржувајќи ги воените напори на Русија додека ги одржува односите со европските сојузници.

„Ова нема да функционира на долг рок“, изјави Столтенберг за BBC News за време на посетата на Вашингтон.

Кои се можните санкции против Кина?

Во опширното интервју Столтенберг зборуваше и за нуклеарното оружје и трошоците за одбрана.

Неговите коментари доаѓаат откако Русија не покажува знаци дека ќе попушти во војната против Украина.

На мировниот самит одржан во Швајцарија минатиот викенд, десетици нации ветија дека ќе го поддржат Киев, но Русија го нарече самитот губење време и рече дека ќе се согласи на мировни преговори само доколку Украина практично капитулира.

Запрашан што би можеле да направат членките на НАТО за кинеската поддршка за Русија, Столтенберг рече дека има „тековна дискусија“ за можни санкции.

Тој додаде дека Кина „споделува многу технологии, како што е микроелектрониката, кои се клучни за Русија во изградбата на проектили и оружје што таа ги користи против Украина“. Тој изјави дека „во одреден момент треба да разгледаме некаква економска цена доколку Кина не го промени своето однесување“.

Од минатиот месец, Пекинг веќе е под одредени санкции поради неговата поддршка за Русија.

САД најавија ограничувања кои ќе таргетираат околу 20 компании со седиште во Кина и Хонгконг. Кина ги бранеше своите зделки со Москва, велејќи дека не продава смртоносно оружје и „внимателно се справува со извозот на предмети за двојна употреба во согласност со законите и прописите“.

„Русија сè повеќе и повеќе се усогласува со авторитарниТЕ лидери“

Столтенберг е во посета на Вашингтон. Рускиот претседател Владимир Путин, пак, денеска оди во Северна Кореја. Минатиот месец беше во Кина.

„Русија во моментов сè повеќе се усогласува со авторитарните лидери“, изјави Столтенберг за BBC, наведувајќи ги Иран, Пекинг и Северна Кореја.

Тој рече дека Северна Кореја испратила артилериски гранати во Русија, а за возврат Русија обезбедила напредна технологија за ракетните и нуклеарните програми на Северна Кореја.

„Така Северна Кореја ѝ помага на Русија да води агресивна војна против Украина“, заклучи генералниот секретар на НАТО.

Шефот на НАТО спомна отстранување на нуклеарното оружје од складиштето, реагира Кремљ

Во пресрет на интервјуто за BBC, Столтенберг изјави за британскиот весник Telegraph дека НАТО разговара за распоредување на поголемо количество нуклеарно оружје, нивно отстранување од складиштето и нивна подготвеност со оглед на зголемената закана од Русија и Кина.

Тој рече дека членките на НАТО разговараат за користење на транспарентноста за нивниот нуклеарен арсенал како одвраќање.

Портпаролот на Кремљ, Дмитриј Песков, рече дека коментарите на Столтенберг се чини дека се спротивставени на изјавата објавена на конференцијата викендов во Швајцарија, во која се вели дека секоја закана или употреба на нуклеарно оружје, кога Украина интервенирала, е неприфатлива.

„Ова е уште една ескалација на тензиите“, рече Песков, коментирајќи ги изјавите на генералниот секретар на НАТО.

НАТО подоцна се обиде да ги разјасни забелешките на Столтенберг, велејќи дека нема значителни промени во неговата позиција за нуклеарното оружје.

реклама

Свет

Орбан: Фицо и Трамп ги нападнаа затоа што се противат на војната

Read more

5 клучни точки од првиот говор на Трамп по обидот за атентат

Read more

И по Урсула-Урсула

Read more

Јужна Кореја го призна правото на здравствено осигурување на истополовите парови

Read more
 

Вести

Струшките вечери на поезијата ќе се одржат од 22 до 26 август со мотото „Допир на убавината“

Читај повеќе

Орбан: Фицо и Трамп ги нападнаа затоа што се противат на војната

Читај повеќе

Побарувачката за струја е зголемена поради топлотните бранови

Читај повеќе

„Визер“ предупредува: Патниците денеска да пристигнуваат на аеродромот најмалку 3 часа пред нивниот лет

Читај повеќе

Таравари именува нови директори на неколку здравствени установи

Читај повеќе
  • play_arrow
  • filter

Македонка загина во сообраќајна несреќа кај Лесковац

Читај повеќе

Сончево и многу топло, од утре опаѓање на температурите

Читај повеќе

Рекорден број повици на 112 од постоењето на бројот за итни случаи

Читај повеќе

Пад на акциите од технолошкиот сектор на Волстрит

Читај повеќе