Можеби на прв поглед делуваат дека се лесни, но во реалноста облаците се многу тешки. Според некои истражувања, можат да тежат и до половина милион килограми. Но, како научниците го знаат ова?
Облаците се состојат од ситни капки вода, што значи дека мора да имаат некаква маса. Од друга страна, мора да имаат и густина. Но, проблемот е во тоа што од зависност на видот облаци овие параметри варираат. Според пресметките, научниците дошле до бројка која изнесува околу 0,5 грама по метар кубен.
Пеги Лемон од американскиот Национален центар за атмосферски истражувања пресметала дека просечниот кумулус има облик на коцка и неговиот пречник изнесува околу еден километар, што значи дека е висок колку што е и широк.
Доколку се искористат овие податоци, па се помножат со густината, конечниот број изнесува околу 500.000 кг.
Како не ни паѓаат врз глава?
Оваа тежина не е концентрирана во една точка, туку е рамномерно распоредена на огромен простор. Од друга страна, облаците се состојат од капки вода кои се толку мали што гравитацијата едвај влијае на нив.
Друга клучна работа е што облаците се помалку густи од сувиот воздух и тоа во суштина им овозможува да останат високо над нас.
