Децата што консумираат риба најмалку еднаш неделно имаат поголем коефициент на интелигенција од останатите деца, велат научниците.
Коефициентот на интелигенција (IQ) кај децата што редовно консумираат риба е во просек повисок за речиси 5 бода, вели студијата направена од Универзитетот во Пенсилванија, која е објавена во списанието Scientific Reports.
Истражувачите веруваат дека воочената врска би можела да е поврзана со внесот на омега-3 масни киселини кои се концентрираат во мозокот, и кои имаат важна улога во одржувањето на невролошките функции.
Покрај тоа, децата што често јадат риба имаат квалитетен сон, покажа едно истражување спроведено уште во 2017 година, а во кое учествувале околу 500 деца на возраст од 9 до 11 години.
Американски научници од Универзитетот „Пен стејт“ неодамна потврдија дека внесот на омега-3 масните киселини е поврзан со подобро функционирање на мозокот.
Податоците собрани од 250 пациенти со болести на срце и крвните садови, кои биле следени 30 месеци, со помош на низа тестирања на когнитивните способности откриле позитивно влијание на омена-3 масните киселини.
Освен риба, добри извори на омега-3 масни киселини се и јаткастите плодови, маслото произведено од овошје и лиснат заленчук (блитва, морач, праз, зелена салата, спанаќ...).
