Српскиот тенисер Новак Ѓоковиќ би можело да го пропушти овогодинешниот УС Опен бидејќи не е вакциниран против коронавирусот, а навивачите покренаа петиција да му се дозволи да игра.
УС Опен се игра во Њујорк од 29 август до 11 септември, а поради тоа што не е вакциниран, Ѓоковиќ не може да влезе во САД.
Поради ова, неговите фанови започнаа онлајн петиција на платформата change.org барајќи од американската влада да му дозволи на популарниот Ноле да настапи на УС Опен. Тој неодамна го освои Вимблдон.
Петицијата е многу блиску до целта од 15.000 потписи.
Претходно, на Ѓоковиќ не му беше дозволено да игра на Австралија опен, додека играше на Ролан Гарос и го загуби четвртфиналето од Рафаел Надал.