Еден од најголемите италијански напаѓачи во историјата, Филипо Инѕаги, наиде на чудна ситуација на клупата на Бреша, каде што му се закануваше отказ.
Бреша се наоѓа на третото место во Серија Б, а пред почетокот на сезоната важеше за фаворит број еден за промоција во елитните редови на италијанскиот фудбал.
Сепак, фрапантно е тоа што сакаа од клубот сакаа да го тргнат Инѕаги, бидејќи Бреша е на само два бода од лидерската позиција. Сепак, челниците на клубот се решија на ваков потег бидејќи клубот на последните четири натпревари забележа три нерешени средби, а управата очекуваше победи.
Спасот за Инѕаги стигна сосема неочекувано во последен момент, а причина е необичната клаузула во договорот меѓу популарниот Пипо и Бреша.
Wild situation: Brescia was about to sack Inzaghi to replace him with Diego Lopez but they've now realized they aren't...
Posted by Italian Football TV - IFTV on Tuesday, February 8, 2022
Во договорот стои дека Инѕаги не може да добие отказ доколку тимот се пласира меѓу осумте најдобри на табелата во Серија Б. Клубот заборави на тоа, па дури и му најде замена. Станува збор за Диего Лопес, кој требаше да биде наследник на легендарниот напаѓач на Милан.
Така Инѕаги ќе остане на клупата на Бреша барем уште некое време. Од друга страна, Лопес ќе чека тимот да падне под осмото место или ќе си најде друга работа.
Инѕаги се посвети на тренерската кариера по брилијантната играчка кариера во која ги освои речиси сите трофеи во светот на фудбалот.
Во Милан и Јувентус освои две ЛШ титули, три Скудета, Интертото купот, Копа Италија, италијанскиот Суперкуп, Светското клупско првенство и Суперкупот на УЕФА.
Тој го подигна и најголемиот трофеј во светот на фудбалот, освојувајќи ја светската титула со Италија во 2006 година, а со младата репрезентација беше и европски првак. За големи достигнувања беше одликуван со престижниот Орден за заслуги на Република Италија.
